ومن رجع يلبس ثياب النسـوان***ولكم وفانـا ياشديديـن البـاس

اذهب الى الأسفل

ومن رجع يلبس ثياب النسـوان***ولكم وفانـا ياشديديـن البـاس

مُساهمة  المولعي في السبت يناير 15, 2011 1:45 pm

بسم الله الرحمن الرحيم
السلام عليكم ورحمة الله وبركاته
اخواني اطرح لكم هذه القصيده اتمنى ان تنال اعجابكم
من كلمات الشاعر الكبير محمدعلي غالب السليماني



قال السليمانـي سلامـي ابـد***ادواء لكـم وسـم كـل العـداء
من راس عاصي حر ما بيهداء***ولايـدن الا لخـلاق الــراس
سلام ياهـل الوفـاء والغيـره***شمسان يسمعني وتسمع صيـره
ذي منها الست الحمايـم طيـره***فيها الامـل وقابلوهـا باليـاس
سلام من ابين ولحـج وشبـوه***وحضرموت والمهره والكل اخوه
ابونا الليث وارضعتنـا اللبـوه***اسود بنـدوس الـذي ماينـداس
اخوه تسامحنا نسينـا الماضـي***ماضي مضا ولا أحد به راضي
شوف الزواجه قربـة ياقاضـي***للعقد كن جاهز لعرس الاعراس
سلام يا ابناء الجنوب الاحـرار***ذي سجلوا اكتوبر بـدم الثـوار
بنقبل استعمـار بعـد استعمـار***ولايبيعونـا ضعـاف الانفـاس
باقولهـا مـن ساحـة الحريـه***الشعـب اشبـه قنبلـه ذريــه
ماهيـه بسيـاره ولا ارضيـه***هذه قضيه شعب كامـل يانـاس
فل يعلمـو الاذنـاب والبياعـه***ان موعدهـم قـرب والساعـه
وما اخذ لازم مـن استرجاعـه***افضل يسيبو اوهامهم والوسواس
ويسمعـوا قادتنـا الخجلانيـن***من حطو اوجاه القبايل بلطيـن
مايظهروا ايش الـذي مستنيـن***وايكشفوا اوراقهم مـن لكيـاس
نريد كل قايد جنوبـي يكشـف***هل هو معانا اوعلينـا نعـرف
مـا بيغنـي لحجيـه اويعـزف***صنعانيه والشرح في مكيـراس
وتسمع صنعـاء وكـل الحكـام***ذي جرعونا سبع تعشـر عـام
مرارة العيـش الـردي والآلآم***قريب بايتجرعوا نفس الكـاس
قولو لهم بل العدل اذا مايقضون***نحن العرب ونحن سادات الكون
مجنوننا في خمس تعشر مجنون****والراس ناخذ فيه ستعشـر راس
نحن الزلازل والجبـال الصمـا***نحن جهنـم والقبـور الظلمـا
نحن الصواعق لايضنونـا مـا***وارضنا ماهيه عسـل للحـاس
نحن في الهيجا نهيج بـالجـان***لقدامنـا يـدن راس الشيطـان
افضل نحافظ ع البشر والاوطان***ونتعوذ مـن الرجيـم الخنـاس
تغلب وبكراخوان عاشـو فتـره***وتحاربو عالناقـه اطـو فتـره
ونحن دوله كامله مـش بكـره***والزير سالم وابن عمه جسـاس
شعب الجنوب اليوم يطلب حقـه***با السلم واعي لن يفجر طلقـه
لاتسرقوا بـلاده كاملـه سرقـه***ياذي سرقت الفاس قم رد الفاس
قولوالنا باالحـل وحـده وحـده***لكي نحافظ عاليمـن والوحـده
قبل الندم قبل ان تجيكـم وحـده***بين العيون لمى تطير لحسـاس
الحل في يداتكـم ايـش الحـل***لكـم البـلاد نسيبهـا ونرحـل
اصحو وربي الكتـاب المنـزل***باشل حقي لو على ذلق المـاس
آخرطلب من ماعرف للمطلـب***مطلبنا افضل حل واسهل واقرب
لاحـد يتعبنـا وهـوه بايتعـب***باقولها تسمـع لويتـر لاتـاس
بتوظفـو للجـنـوب ابنـاهـا***والعدل والحريـه فـي معناهـا
وكلمـة الفدرالـيـه محـلاهـا***افضل من اخدود الملك ذو نواس
هذا كلامي قول واضح مدروس***وسجلـه لساداتـك ياجاسـوس
باقي معانا من صناعات الروس***خازن لها لماتدقـدق لجـراس
وآخرتحياتـي لكـم ياشجعـان***مافيش رجعه للوراء مهما كـان
ومن رجع يلبس ثياب النسـوان***ولكم وفانـا ياشديديـن البـاس
avatar
المولعي
مدير عام
مدير عام

عدد الرسائل : 7
تاريخ التسجيل : 04/03/2009

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى