يالله يامعتلي باعلى محط-----وحط عالارض بحرا حوطه

اذهب الى الأسفل

يالله يامعتلي باعلى محط-----وحط عالارض بحرا حوطه

مُساهمة  المولعي في السبت يناير 15, 2011 1:48 pm

الشاعر المرحوم صالح سند

يالله يامعتلي باعلى محط-----وحط عالارض بحرا حوطه
سبحان ذي قط ما يغلط غلط----مايغلط الا على ذي يغلطه
نجيت موسى من البحر الاوط---- وقوم فرعون فيه اتاوطه
في قصة الفيل كانوا بالغلط- --وارسل عليهم حجار اتساقطه
قادر يجزع جمل لج الخيط-----والمرتفع بالسماء لايسقطه
حط المطر حط والخير انبسط---زال السخط بالرخاء ذي حطحطه
واعوذ بالله من شعط الشعط-----من شعط شعط الشعيط المشعطه
صلوا على المصطفى ما المزن حط-----وحن راعد ومزنه حطحطه
والقحم ذي كسر اصنام الرهط-----قوم العراريط واهل المرهطه
واصحابه اهل السيوف المقتشط-----ذي جاهدو بالسيوف المقشطه
صالح سند قال بابياته لقط--- --من النشط ذي بقلبه لقطه
حاشا علي مابجيب الخضر قط-----ولا كلام الحق والخثمطه
عاد الرمايه لها نسفه وبط-----والا الرمايه تسمه مغلطه
والقسط ماهو سوى وامن قسط-----والخيط مايتبع الا مخيطه
وخازن الخير لاعندي هبط-----وخازن الشر شره يهبطه
وقانط الدين ياتيه القنط-----ياتي بقنطه على من يقنطه
فكرت عالوقت وان اهله برط-----كلا يبا بايقع بو مقعطه
والرزق ماهو طمع من جاء لقط-----الرزق بيخص به ذي يلقطه
تدبر الامر من قبل الفرط-----ماعاد ينفع قفا ما يفرطه
الروم في شط والكافر بشط-----الروم غلبت وبعدا حوطه
حط الرضاء حط والحاكم وسط-----لكن تخير بنادق ملقطه
لاجل من شط يرجع للمحط-----يصفى الخلط والغلط والالمطه
والخط ما يعرف الا بالنقط----- لو مالنقط ماعرفنا الشخمطه
وبعد ياطير لاعندي توط-----بديك حرفين بيضاء ملقطه
وذي لك اجناح خضراء تي الفوط-----سبحان رب السماء ذي خططه
باحملك خط بالمسك اختلط-----وطيب واحسن روايح خلطه
للشيخ عبدالله البحر الاوط-----بحر الجواهر وبحر الشوحطه
سلام لك الف يا بحرا اوط-----يابحر حنان من جا يقمطه
من كذب الشيخ بالذنب احتبط-----والله من عامله مايحبطه
في كل حينا يشط الارض شط-----اسرع من الطير لاقد شوطه
وله من الروم من خطه بخط-----وكل ماجاه خط ابيقمطه
وقلت يالقلب لاتفتش ماط-----خل الماطي على ذي اططه
قد كان يوسف في الجب التقط---- لما ملك مصر دوله حوطه
حلمت وان بيدي المسمي خبط-----وني على صبر منهل بخبطه
وان ذه ثلاثه دلي بيدي شبط-----مثل العدل بالحبال اتشابطه
وان هم يقولون هذا الملك قط----- ما قط مثله جري في قطوطه
هذا الرياء صدق ماشي به غلط-----ولاتماثيل ولابه خثمطه
واستقفر الله ماضاوه شخط-----والشمس فوق الجبال اتشخوطه
صلوا على المصطفى ما المزن حط----- وحن راعد ومزنه حطحطه
ان شالله تنال اعجابكم
avatar
المولعي
مدير عام
مدير عام

عدد الرسائل : 7
تاريخ التسجيل : 04/03/2009

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى